वातावरण बचे यायेत साइकल ¥याली

ख्वप –  वातावरण संरक्षण मंचया ग्वसालय् जनचेतनामूलक साइकल ¥याली जुुल । ‘प्रदूषण न्यूनीकरण यायेनु, स्वच्छ वातावरण अप्वयेकेनु’ धइगु नारा बियाः उगु साइकल ¥याली जूगु खः । ख्वप नगरपालिका वडा नं. १ सल्लाघारीं शुरु जूगु साइकल ¥याली ब्यासी, झौख्यः, दुवाकोट, मध्यपुर थिमिया निकोसेरा, थिमिया हे बहाखा बजाः, मध्यपुर थिमि चोक, दघिकोट, गाम्चा, ख्वप नगरपालिका, ख्वप लाय्कू जुयाः सल्लाघारीइ हे थ्यंकाः क्वचाःगु खः ।

¥यालीया उलेज्या चाँगुनारायण नगरपालिकाया प्रमुख सोमप्रसाद मिश्रं यानादीगु खः । स्वनिगःया छुं छुं थाय्यात साइकल सिटीया रुपय् विकास यायेमाःगु अवधारणा ज्वनाः न्ह्याः वनाच्वंगु मंचं जिल्लाया प्यंगुलिं नगरपालिका जुयाः उगु साइकल ¥यालीया ग्वसाः ग्वःगु खः । ‘स्वच्छ वातावरण जिमिगु सरोकार, स्वच्छ फसय् सासः ल्हाये दइगु जिमिगु अधिकार, विश्वयात प्रदूषित जुइगुपाखें बचे यायेनु, नेपाःया वातावरणीय मनोरमतायात सुरक्षित याना तयेनु’ धइगु थीथीकथंया नारालिसें ¥यालीइ सहभागि जूपिंसं ख्वप जिल्लाया प्यंगुलिं नगरपालिकाया थीथी लागा चाःहिउगु खः ।

वातावरणीय प्रदूषण अप्वया वनाच्वंगुलिं स्वनिगःया वातावरण ल्यंका तयेगु निंतिं कष्टकर व चुनौति जुजु वनाच्वंगु जक मखसे वातावरणीय प्रदूषण अतिकं जटिल जुया वनाच्वंगुलिं थीथी कथंया ल्वय् तकं खने दयाच्वंगुलिं वातावरण बचे यानातयेत इनाप यासें जनचेतनामूलक ¥याली यानागु संस्थां जानकारी बिउगु दु ।
करिब १४ किलोमीटरया उगु साइकल ¥यालीइ निसलं मल्याकया सहभागिता दुगु खः ।

सम्बन्धित बुखँ

LEAVE YOUR COMMENTS