ऐश्वर्यलाल श्रेष्ठ लुमन्ति सिरपाः लःल्हात

येँ (नेपालभाषा टाइम्स)- जगतसुन्दर ब्वनेकुथिइ नीस्वना–तःगु ऐश्वर्यलाल लुमन्ति सिरपाः लःल्हाःगु दु । मदुम्ह ऐश्वर्यलाल श्रेष्ठया लुमन्तिइ वय्कःया म्ह्याय् सृष्टि श्रेष्ठं नीस्वनादीगु थुगु सिरपाः न्यागू तगिं व च्यागू तगिमय् नेपालभाषाय् उत्कृष्ट जूपिं विद्यार्थीपिंत बीगु सिरपाः खः ।

वंगु मंगलवाः ब्वनेकुथिया संचालक समितिया नायः प्रा.डा. चुन्दा वज्राचार्यया सभापतित्वय् जूगु छगू ज्याझ्वःया दथुइ न्यागू कक्षाय् उत्कृष्ट जूम्ह ज्योति तुलाधर व च्यागू तगिमय् उत्कृष्ट जूम्ह कजना श्रेष्ठयात स्वद्वः–स्वद्वः तका व दसिपौ लःल्हाःगु खः । ज्याझ्वलय् सिरपाः दाता सृष्टि श्रेष्ठ, बेलायत व पोर्चुगलं स्वयंसेवक कथं ब्वनेकुथिइ ब्वंकादीपिं डेजी ब्राउन व एलिस फिगुइरेडो, संस्थापक रोहन गोर्खाली, संचालक लोककवि राजभाइ जकःमि पाहां कथं झायादीगु खः ।

ज्याझ्वलय् दाता श्रेष्ठं मदुम्ह ऐश्वर्यलाल श्रेष्ठबारे कनादिलसा पाहां रोहन गोर्खालीं ब्वनेकुथिं नेवाःतय् म्हसीका न्ह्यब्वयाच्वंगु धासें थुकिं भाषा कला, संस्कृति ल्यंकातयेत ग्वाहालि यानाच्वंगु खँ
धयादिल । अथेहे संचालक जकःमिं चिनाखँ न्यंकादीगु खः ।