अर्जेन्टिना कोपा अमेरिकाया फाइनलय्
एजेन्सी-अर्जेन्टिना कोपा अमेरिका फुटबलया फाइनलय् दुहां वंगु दु । बुधवाः जूगु सेमीफाइनलय् क्यानाडायात बुकाः अर्जेन्टिना कोपा अमेरिकाया फाइनलय् दुहां वंगु खः ।
कोपा अमेरिकाया सर्वाािधक उपाधि विजेता अर्जेन्टिनां कासाया न्हापांगु हाफय् छगू व निगूगु हाफय् छगू गोल याःगु खः । न्हापांगु हाफया २२ औं मिनेटय् जुलियन अल्भारेजया गोलं अग्रता काःगु अर्जेन्टिनाया निंतिं निगूगु हाफया ५१ औं मिनेटय् कप्तान लियोनल मेस्सी थप छगू गोल याःगु खः ।
साविकया विश्वविजेता अर्जेन्टिना कोपा अमेरिकाया सर्वाधिक १५ क्वः तकया उपाधि विजेता खः । इक्वेडरयात ट्राइब्रेकरय् बुकाः सेमीफाइनलय् दुहां वंगु अर्जेन्टिनां आः उपाधीया निंतिं कोलम्बिया व उरुग्वे दथुइ जुइगु निगूगु सेमीफाइनलया विजेता नाप म्हिती । अर्जेन्टिना व उरुग्वे सर्वाधिक कोपा अमेरिकाया उपाधि विजेता खः । फाइनल कासा वइगु सोमवाः जुइ ।
LEAVE YOUR COMMENTS