अतलखु बहिली मांकाःद्यःया धलं

येँ (नेपालभाषा टाइम्स)- अतलखुबहि मिसा पुचःया ग्वसालय् शनिवाः मांकाःद्यःया धलं दन । १९६ म्ह भक्तजनपिंसं ब्वति काःगु उगु धलं ज्याझ्वलय् बौद्ध विद्धान एवं प्रा.डा. नरेशमान वज्राचार्यं मांकाःद्यःया मूल मण्डल पुजा यानादीगुु खः ।

ज्याझ्वलय् प्रा. डा. नरेशमान वज्राचार्यं मांकाःद्यःया विषययात कःघाना प्रवचन बियादीगु खः । थ्व झ्वलय् वय्कलं जीवन न्ह्याकाच्वनेबलय् बांलाःगु व बांमलागु ई वयाच्वनीगुलिं सहि रुपं ईयात बांलाक वाःचायेकाः, ईयात सहीढंगं सदुपयोग याना वनेमाःगु खँय् बःबियाः सफलता हासिल यायेमाः धयादिल ।

महांकाः बहीया थाकुली लोकरत्न शाक्य व संगीता शाक्यपिं जजमान जुयाः न्ह्याकूगु थुगु पुजाय् महांकाः बहीया सर्व संघपिंसं माःमाःकथं ग्वहालि याःगु खः । नेवाः बौद्ध समाजय् थीथी द्यःपिंत आराधना यानाः धलं दनेगु थःगु हे बिस्कं कथंया परम्परा दयाच्वंगु दु ।

नेपालभाषा टाइम्स

च्वमिया मेमेगु

• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत
• शंखधरया लुँ व लोककल्याण