बुद्ध धर्मया उद्गम नं लुम्बिनी
येँ – नेपालभाषा टाइम्स०÷२५६२ क्वःगु बुद्धजयन्तीया लसताय् लुम्बिनीइ जूगु अन्तर्राष्ट्रिय बौद्ध सम्मेलन १० बुँदे घोषणापत्र जारी यासें म्हिगः क्वचाल । घोषणापत्रय् लुम्बिनीयात भगवान बुद्धया जन्मस्थल व बुद्धधर्मया मुहान कथं स्वीकार यायेगु खँ न्ह्यथनातःगु दु । नीस्वंगू देय्या अन्तर्राष्ट्रिय बौद्ध विद्वान, धर्मगुरु, भिक्षु, भिक्षुणी पिंसं ब्वति काःगु सम्मेलनं उगु निर्णय याःगु खः ।
अथेहे प्रा।केन्जो तांगें डिजाइन याःगु लुम्बिनी गुरुयोजनायात शान्ति र मानवताया विश्व केन्द्रया रुपय् लागू यायेगु निर्णय नं याःगु दु । लुम्बिनीयात एसियाया बृहत्तर तीर्थस्थलया सर्किटया रुपय् स्थापना यानाः भारतया बोधगया, सारनाथ, कुशीनगर व श्रीलंका, म्यानमार, बंगलादेश, चीन व पाकिस्तानया बौद्ध सम्पदायात प्रवद्र्धन यायेगु खँ नं घोषणा पत्रय् दुथ्याः
सम्मेलनया समापन ज्याझ्वलय् न्ववायेगु झ्वलय् प्रधानमन्त्री केपी ओलीं लुम्बिनी बुद्धया जन्म जूगु थाय् जक मजुसें बुद्ध धर्मया उद्गमस्थल समेत जूगु खँ कनादिल ।
लिसें प्रम ओलीं लुम्बिनी गुरुयोजना इलय् पूवंकेत सरकार प्रतिवद्ध जुयाच्वंगु खँ नं कनादिल । कपिलवस्तु, देवदह, रामग्राम, आदि क्षेत्रयात समेत कःघानाः बृहत् लुम्बिनी गुरुयोजना कथं विकास यायेगु कथं तयारी जुयाच्वंगु दु ।
LEAVE YOUR COMMENTS