जगतसुन्दरय् असार पुन्हिया लसताय् किपा च्वज्या कासा

येँ – असार पुन्हिया लसताय् जगतसुन्दर ब्वनेकुथिइ च्वकिपा धेंधेंबल्लाः कासा जुल । जगतसुन्दर ब्वनेकुथि परियत्ति केन्द्र व युवा बौद्ध समूया मंकाः ग्वसालय् परियत्ति केन्द्र परियत्ति ब्वनाच्वंपिं विद्यार्थीतय् दथुइ च्वकिपा धेंधेंबल्लाः कासा जूगु खः ।उगु किपा च्वज्या कासाय् रवि श्रेष्ठ न्हाप, सचेतना मानन्धर लिउ, सदिक्षा महर्जन लियांलिउ व खुसि विकं हःपाः सिरपाः त्याकेत ताःलाःगु दु ।

कासाया निर्णायकय् पूर्णरत्न वज्राचार्य च्वनादीगु खः । ब्वनेकुथिया संस्थापक नापं संचालक समितिया दुजः राजभाई जकःमिया सभापतित्वय् जूगु ज्याझ्वलय् समूहया नायः तेजनारायण मानन्धर निर्णायक वज्राचार्यं नुगःखँ प्वंकादीगु खःसा ब्वनेकुथिया प्रिन्सिपल सुनिता मानन्धरं लसकुस यानादीगु खः । ज्याझ्वः ब्वनेकुथिया शिक्षक मणिराज मानन्धरं न्ह्याकादीगु खः ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत