क्यानपाखें कासामितय् बर्गिकरण, ग्रेड ‘ए’यापिंत लय् छगू लाख तका

येँ (नेपालभाषा टाइम्स)- नेपाल क्रिकेट एशोसियसनं सन् २०२४ या निंतिं सम्झौता जूपिं मिजं व मिसा कासामितय् वर्गिकरण याःगु दु । एशोसियसनया फागुन १२ व १४ गते जूगु केन्द्रीय कार्यसमितिया बैठकं थ्व वर्गिकरणयात अनुमोदन याःगु खः । बैठकं निर्णय याः कथं मिजंतय्पाखे रोहित पौडेल, सोमपाली कामी, करण केसी, दिपेन्द्र सिंह ऐरी, आसिफ सेख व कुशल भुर्तेल ग्रेड ‘ए’य् लाःगु दु ।

अथेहे कुशल मल्ल, गुलशन झा, भीम सार्की, ललित नारायण राजवंशी, आरिफ सेख व अविनाश बोहरा ग्रेड ‘बी’इ, विनोद भण्डारी, अर्जुन साउद, सन्दीप जोरा व प्रतिस जीसी ग्रेड ‘सी’इ, पवन सर्राफ, सागर ढकाल, अनिल साह, विवेक कुमार यादव, आकाश चन्द, बसिर अहमद व सूर्य तामाङ ग्रेड ‘डी’इ लाःगु दुसा इमर्जिङ क्याटगोरिइ दिपेश कंडेल, रुपेश सिंह, रिजन ढकाल, विपिन खत्री, देव खनाल, अर्जुन घर्ती व हेमन्त धामी लाःगु दु ।

क्यानं ग्रेड ‘ए’य् लाःपिंत लय् छगू लाख तका, ग्रेड ‘बी’इ लाःपिंत ७० हजार तका, ग्रेड ‘सी’इ लाःपिंत ५५ हजार तका, ग्रेडी ‘डी’इ लाःपिंत ३५ हजार तका व इमर्जिङ क्याटगोरिइ लाःपिंत लय् २५ हजार तका तलब बीगु जूगु दु ।

अथेहे मिस्तय्पाखें ग्रेड ‘ए’य् इन्दु बर्मा, रुविना क्षेत्री, सीता रानामगर, ग्रेड ‘बी’ इ कुविता कुँवर, ग्रेड ‘सी’ इ पुजा महतो, अश्मिना कर्माचार्य, ग्रेड ‘डी’इ अप्सरी बेगम, कविता जोशी, संगीता राई, काजोल श्रेष्ठ व विन्द रावल लाःगु दुसा इमर्जिङ क्याटगोरीइ सोनी पाख्रिन, खुसिडंगोल, ज्योत्सनिका मसासिनी, कञ्चन श्रेष्ठ, रुवि पोदार, सृष्टि जैसी, सम्झना कुमारी खड्का व सना प्रविन लाःगु दु ।

मिस्तय् पाखे ए ग्रेडयापिंत लय् ५० हजार, ‘बी’यापिंत ३५ हजार, सीयापिंत ३० हजार, डीयापिंत २५ हजार व इमर्जिङ क्याटगोरिइ लाःपिंत लय् २० हजार तका पारिश्रमिक बिइगु जूगु दु ।