न्हूसाय्मियात भिक्षु कुमार काश्यप स्मृति पत्रकारिता सिरपाः
येँ (नेपालभाषा टाइम्स)÷ नेपालभाषा टाइम्सया दुजः पत्रकार उदेन न्हूसाय्मि भिक्षु कुमार काश्यप स्मृति पत्रकारिता सिरपाःपाखें सम्मानित जूगु दु । नेवाः पत्रकार राष्ट्रिय दबूया झिंनिक्वःगु दँमुँज्याया झ्वलय् न्हूसाय्मियात नीद्वः तका नगद सहित सिरपाः लःल्हाःगु खः । ज्याझ्वलय् मू पाहाँ रामकृष्ण चित्रकारं सम्मानपत्र व सिरपाःया दाता कोण्डन्य महास्थविरं नगद सिरपाः लःलहाःगु खः ।
दबूया नायः नृपेन्द्रलाल श्रेष्ठया सभापतित्वय् नेपालभाषा मंका खलःया दबूछेँय् जूगु ज्याझ्वलय् माउन्टेन टेलिभिजनया विश्वन्तर शाक्ययात ज्ञानज्योति लक्ष्मीप्रभा सिरपा, झंकार एफएम रामेछापया युवराज श्रेष्ठयात ज्ञानदेवी मणि पत्रकारिता सिरपा, नेपाल मण्डल टेलिभिजनया सिल्भिया राजोपाध्याययात वाङमय शताब्दी पुरुष सत्यमोहन जोशी पत्रकारिता सिरपा, अनलाइन डबलीया बुद्धशरण शाहीयात बाबुराजा ज्यापु फोटो पत्रकारिता सिरपा व अनलाइन खबरया रेणु त्वानाबासुयात श्रीराम स्मृति पत्रकारिता सिरपा लःल्हाःगु खः । ज्ञानज्योति सिरपाः व ज्ञानदेवी मणि सिरपाः नीद्वः÷नीद्वः तकासहितया खःसा मेगु स्वंगू सिरपाः झिद्वः÷झिद्वः नगद सहितया खः ।
ज्याझ्वलय् गुठी संस्थानया केन्द्रीय प्रमुख प्रशासक किरण शाक्य, गोरखापत्र न्हिपौया सम्पादक सल्लाहकार उपेश महर्जन व नेपाल आदिवासी जनजाति पत्रकार महासंघया पुलांम्ह अध्यक्ष दण्ड गुरुङयात नं विशेष सम्मान याःगु खः।
LEAVE YOUR COMMENTS