थौं यःमरि पुन्हि व ज्यापु दिवस

येँ (नेपालभाषा टाइम्स)÷थौं नेवाः समुदायं यःमरि पुन्हि नखः हनाच्वंगु दु । थौंया पुन्हियात नेवाःतय्सं यःमरि पुन्हि कथं हनेगु याइ । थौं छेँय् छेँय् यःमरि छुनाः नयेगु लिसें पुजा यायेगु ज्या जुइ । लिसें थौं पुचः पुचः मुनाः छेँय् छेँय् त्यःछिंत्यः म्ये हालाः यःमरि फ्वं वनेगु नं याइ । थुगुसी नेवाः देय् दबूया येँ २२ वडा कचापाखें त्यःछिंत्यः फ्वं वनेगु ज्याझ्वः दयेकूगु दु ।

लिसें थौं यःमरि पुन्हि कुन्हु हे लाकाः ज्यापु दिवस नं हनाच्वंगु दु । थौं २० क्वःगु ज्यापु दिवस थनया त्यंगः त्वालं शुरु जुइगु ग्वसाः दु । ज्यापु दिवसया लसताय् थौं त्यंगलं बाजागाजा सहित छगू ¥याली पिकयाः येँया थःने व क्वःने लागा चाःहिलाः बसन्तपुलिइ थ्यंकाः सभाय् हिलीगु ज्याझ्वः दु । थौं ज्यापु दिवस ग्वसाः खलकं प्रधानमन्त्री पुष्पकमल दाहालयात नं हनेत्यंगु दु ।

सम्बन्धित बुखँ

LEAVE YOUR COMMENTS