क्वथुननि बचे यायेत गुथिइ धर्ना

ऐतिहासिक सम्पदाय् व्यापारिक कम्प्लेक्स दयेकेत्यंगुया विरोध

येँ – असंया ऐ तिहासिक क्वथुननि ल्यंके गु निंतिं म्हिगः गुथि संस् थानय् ज्ञापन पौ लःल्हाये गु लिसें धर्ना बीगु ज्या जुल । क्वथुननि बचे यायेमाः अभियानं थीथी थासय् मुंकूगु हस्ताक्षर नं अन लःल्हाःगु खः ।

असंया स् थानीय वासिन्दा व सम्पदा अभियन्तापाखें असनं छगू र्‍याली पिकासें वंघः, न्हू सतक, खिचापुखू, लुँहिति, त्रिपुरेश्वर जुयाः त्रिपुरेश्वर स्थित गुथि संस् थानया के न्द्रीय ज्याकू थ्यंकाः बाघौ धर्ना बिउगु खः ।

धर्नाया झ्वलय् गुथि संस् थानं सम्पदा संर क्षण याये मफुगु धासें गुथि संस्थान खारेज याये माःगु माग याःगु खः । लिसें सम्पदाप्रे मीतय्सं गुथि संस् थानं सम्पदायात व्यापार याये गु नियतं लिजय् बिउगु निर्णय खारेज याये माःगु माग नं याःगु दु ।

क्वथुननि बचाउ अभियानया ग्वसालय् वंगु लछि न्ह्यवंनिसें मुंकातःगु नीद्वः स्वयां अप्वः हस्ताक्षर नं संस्थानया प्रशासक नारायण चौधरीयात लःल्हाःगु दु । संस् थानया अध्यक्ष मीनबहादुर चौधरी येँय् मदुगुलिं प्रशासक चौधरीयात ज्ञापन पौ लःल्हाःगु खः ।

ज्ञापन पौ लःल्हाना कासें प्रशासक चौधरीं नियम कानून कथं छु दु उकियात कयाः निर्णय याये गु जुइ धकाः आश्वासन बियादीगु खँ अभियानया संयो जक नमस् ते साय्मिं ‘नेपालभाषा टाइम्स’यात कनादिल ।

ज्ञापनपती गुथि संस्थानयात परम्परा व उगु परम्परा सञ्चालन आयस्ता व्यवस्थापन यायेगु जिम्मा बिउगु खः । गुथि संस्थानया पूर्ण स्वामित्व दुगु छेँ बुँया सम्पदा गुलि गुकथं संरक्षण यानाच्वंगु दु । उकिया जवाफदेही गुथि संस्थान जूगु खँ न्ह्यथनातःगु दु ।

अथे हे ज्ञापनपतिइ नेपाःया सांस्कृतिक केन्द्र व वाणिज्य व्यापारया ऐतिहासिक धराेहरया रुपय् दुगु असं बजाःया पश्चिमपाखे च्वंगु ‘श्री ५ या वायु देवता गुथि’ धकाः जने यानातःगु छेँ बारे जूगु निर्णय व श्रृखलाबद्ध रुपं गुथि संस्थानया पदाधिकारी व कर्मचारीपाखें प्वंकूगु बिचाः प्रति असहमति प्वंका धकाः धयातःगु दु ।

न्यासः दँ स्वयां पुलांगु अशोक वृक्ष बिहारय् अभिताभ बुद्धया मूर्ति दुगु खँ पुरातत्व विभागं नं पुष्टि याये धुंकूगु दु धासें अथे जुयाः उगु छेँ सम्पदा स्थल खः धइगुलिं निगू मत मदु धयातःगु दु ।

असंया क्वथुननि मेगु छायाँदेवी कम्प्लेस मजुइमा धइगु थःपिनिगु चिउता खः धासें सांस्कृतिक सम्पदाया अतिक्रमणय् थःपिंसं न्ह्याबलें विराेध यायेगु जुइ धकाः नं ज्ञापनपती न्ह्यथनातःगु दु ।

सम्बन्धित बुखँ

LEAVE YOUR COMMENTS