संघीयताया पक्षय् ओली व देउवा

येँ (नेपालभाषा टाइम्स)÷एमालेया अध्यक्ष केपी ओलीं संघीय शासन प्रणाली सफल यायेत संघीयता कार्यान्वयनय् बः बीमाःगु खँ धयादीगु दु । म्हिगः पार्टी ज्याकुथिइ याःगु पत्रकार सम्मेलनय् न्ववासें वय्कलं धयादिल, ‘संघीयता लोकतान्त्रिक संरक्षण जूगुलिं संघीयतायात सफल ढंगं कार्यान्वयन यानाः बल्लाकेगु व सफल यायेगु कुतः यायेमाः, आःया चरण थ्वहे खः ।’

वय्कलं भ्रष्टाचार नियन्त्रण यानाः संघीय संरचनायात न्ह्यसः थने मबीगु आवश्यक दु धासें प्रदेश संरचना कार्यान्वयन व अभ्यासय् न्ह्यसः थनेगु ज्या जुयाच्वंगुलिइ असन्तुष्टि नं प्वंकादिल । वय्कलं धयादिल, ‘राज्ययात कमजोर यायेगु न्ह्यसः थनेगु ज्या यानाच्वंगु दु । नेपाःया संघीयता शक्ति विकेन्द्रीकरण मखुसें शक्ति इनेगु आधार दु । देय्या विकास व जनताया सुविधाया नितिं नेपालय् संघीयता वःगु खः ।’

उकथं हे नेपाली कांग्रेसया सभापति शेरबहादुर देउवां संघीय लोकतान्त्रिक गणतन्त्रं लिहां वने मफइगु खँ धयादीगु दु । गणतन्त्रया विरोध यासें सः थ्वयाच्वंसां नं उकिं गणतन्त्रयात कमजोर धाइ मखु धासें इतिहासय् लिहां वनेगु सम्भावना मदुगु खँ धयादीगु दु । सन्त नेता कृष्णप्रसाद भट्टराईया सछिदँ बुन्हिया लसताय् कांग्रेसं याःगु ज्याझ्वलय् न्ववासें वय्कलं उगु खँ धयादीगु खः

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल