ने. सं. ११४४ कौलाथ्व षष्ठी -

जीवन मानन्धरया स्मृति सभा

येँ(नेपालभाषा टाइम्स)-येँ महानगरपालिका १३ वडाया पुलांम्ह जनपक्षीय वडा अध्यक्ष लिसें समाजसेवी व राजनीतिक न्ह्यलुवा जीवनराज मानन्धर मदुगु २५ दँ क्यंगु झ्वलय् शनिवाः श्रद्धाञ्जलि ज्याझ्वः जुल । कालिमाटीया तख्तीइ च्वंगु वय्कःया झ्वाताय् स्वां देछासें उगु सभा जूगु खः ।

ज्याझ्वलय् सांसदपिं सुमिना श्रेष्ठ, शैलेन्द्र वज्राचार्य, मदुम्ह जीवनराजया काय् अभियन्ता सुमन साय्मि लिसें वडाया आपालं अभियन्ता व भाषिक कार्यकर्तातय् उपस्थिति दुगु खः । मदुम्ह मानन्धरं थःगु छेँय् तत्कालीन आपालं भूमिगत नेतातय्त शेल्टर बियादीगु खः ।