लुँ लुटे याःम्ह असइ व विद्यार्थी नेता ज्वन

येँ- लुँहिति धरहराया छगू लजय् विरगञ्जया छम्ह व्यापारीया लुँ व ध्यबा लुटे याःगु द्वपनय् सशस्त्र प्रहरी छम्ह असइ व नेवि संघया छम्ह नेता लिसें स्वम्हेसित प्रहरींं ज्वंगु दु ।

सशस्त्र प्रहरीया हल्चाेकया खेलकूद शाखाय् ज्या याइम्ह असइ अनिस खडकायात अाइतवाः प्रहरी‌ं ज्व‌गु खः । अनिस सहितया न्ह्यम्हेसिया पुचलं अाइतवाः लुँहितिइ च्व‌गु हाेटल मेजेस्ट्रिइ च्वनाच्व‌म्ह वीरगञ्जया छम्ह ब्यापारीपाखे‌ ८ सय ८३ ग्राम लुँ व ११ लाख ध्यबा लुटे याःगु खः ।

लुँ व ध्यबा लुटे याःगु द्वपनय् प्रहरी‌ं दकलय् न्हापा‌ं अविनाश साहयात ज्व‌गु खः । साहया हे याेजना कथ‌ लुँ लुटे याःगु खः । उमिसं न्हापा‌ं निसे‌ं उम्ह ब्यापारीया रेकी याना वयाच्व‌ंगु व माैका लायेव‌ं लुटे याःगु खः । साहयात ज्वनेधु‌ंकाः वयागु हे बयानया अाधारय् नेवि स‌ंघया नेता प्रवीण गिरीयात न‌ं ज्व‌ंगु खः । मेपि‌ं प्यम्ह लुटेरात धाःसा बिसिउँ वनाच्व‌गु दु ।

वीरगञ्जया ब्यापारीं लुँ गाले यानाः तिसा दयेकेबीगु निंतिं लुँ ज्वना वःगु खः । उम्ह ब्यापारी इलयब्यलय् थथे येँय् तिसा दयेकेत वइगु खँ सियाः रेकी यानाः लुटे याःगु खः ।