प्यपा तुति, प्यका ल्हाः दुम्ह मचा बुल

येँ – कैलालीया टिकापुर अस्पतालय् प्यका ल्हाः, प्यपा तुति दुम्ह अजूचायापुम्ह मचा बूगु दु । उम्ह मचा बूगु छुं ई लिपा हे सीगु खँ अस्पतालं धाःगु दु । मंगलवाः सुथय् बूम्ह मचाया छगः छ्यं, निफाः जँ, प्यपा तुति व प्यका ल्हाः दुगु खँ अस्पतालया मेडिकल सुपरिटेन्डेन्ट डा. नरेन्द्र कुमार खनालं धयादीगु दु ।

जानकारी गाउँपालिकाय् च्वंम्ह २२ दँया सीता चौधरीं उम्ह मचा बुइकूगु खः । मचा मदुसां मांम्हेसिया स्वास्थ्य धाःसा सामान्य दु । डा. खनालया कथं शुक्रवाः सुथय्पाखे मचा बूगु खःसा ११ बजे मदुगु खः । मांम्हेसिया प्वाथय् न्हापा हे थज्याःम्ह मचा दुगु खँया जानकारी दुगु खँ नं डा. खनालं धयादीगु दु ।