न्हूदँ कुन्हु थीथी व्यक्ति हना

येँ (नेपालभाषा टाइम्स)- ने.सं. ११४४ न्हूदँया लसताय् राष्ट्रिय विभूति शंखधर साख्वाः प्रतिष्ठानपाखें थीथी ख्यलं नेपाल संवत्या प्रचार प्रसार ज्याय् योगदान यानादीपिं गणेश साय्मि, नारायण किलम्बु व रामकृष्ण दुवालयात ‘शंखधर पदकं’ हनीगु जूगु दु ।

अथे हे नेपाल संवत्या एप्स दयेकादीम्ह सौनक रंजितकार व दँय्दसं तँसापौ पिकया वयाच्वंगु ‘नेपाल समाचारपत्र’ न्हिपौयात ‘शंखधर सम्मान’ देछाइगु जूगु दु । मंगलवार म्हपुजा कुन्हु थिमिइ जुइगु ज्याझ्वलय् थ्व सम्मान लःल्हाइ ।

– न्हूदँ ११४४ व बागमती प्रदेशं भाषा विधेयक पारित याःगु लसताय् थुगुसी येँया किलागः त्वालं मोटरसाइकल ¥याली पिकाइगु जूगु दु । टाइम्स एफएमया ग्वसालय् जुइगु थ्व ¥याली सुथय् ९ बजे शुरु जुयाः येँया थीथी लागा, किपू, थिमि, यल व ख्वप देय् चाःहिली ।

– न्हूदँया लसताय् न्हू पुचःपाखें थुगुसी नं मचा ब्वाज्या कासा याइगु जूगु दु । थ्व कासा लक्ष्मीपुजा कुन्हु सोमवाः सुथय् बसन्तपुलिं शुरु जुयाः भिंद्यः त्वालय् क्वचाइ । थुकी ५ निसें १० दँया मस्तय्सं ब्वति काये फइ ।