च्वमि जितबहादुर मानन्धर मंत

येँ (नेपालभाषा टाइम्स) – नेपाल सरकारया पुलांम्ह सचिव लिसें नेपालभाषाया च्वमि भाजु जितबहादुर मानन्धर म्हिगः मन्त । वय्कः ८६ दँ दुम्ह खः । भाजु मानन्धर कोरोना संक्रमित जुयाः मदुगु खँ वय्कःया तःधीम्ह काय् भाजु प्रकाश मानन्धरं कनादीगु दु । वय्कः म्हिगः सुथय् साढे ४ बजे मदुगु खः । वय् कःया अन्तिम संस्कार सम्बन्धी सकतां ज्या नेपाली सेनापाखें यायेगु तयारी जूगु दु । भाजु मानन्धरं नेपालभाषां मानन्धर निबन्ध मुना लिसें खस नेपाली भासं बिरंची नारायण, श्री गणेशायनमः, काभ्रे पलाञ्चोकका देवीदेवताहरू, हुलाक आदि सफू च्वयादीगु दु ।

वय्कः सञ्चार सचिवया नाप-नापं तत्कालीन राजपरिषद्या सचिव नं जुयादीगु दु। जुजु वीरेन्द्रया वंशनाश जुइक जूगु दरवार हत्याकाण्डया इलय् राजपरिषद्या सचिव वय्कः हे जुयाच्वंगु खः । न्हूम्ह जुजु ल्ययेत अबले राजपरिषद् ज्याकुथी च्वंगु राजपरिषद्या अतिकं अन्यौलग्रस्त व तनावपूर्ण बैठकया व्यवस्थापन वय्कलं हे यानादीगु खः । मदुम्ह मानन्धरया जहान लिसें काय निम्ह व म्ह्याय् छम्ह दी ।