साहित्यकार चित्तरञ्जन नेपाली मंत

येँ (नेपालभाषा टाइम्स)- नेपाल–भाषा एकेडेमीया पुलांम्ह चान्सलर लिसें नांजाःम्ह साहित्यकार चित्तरञ्जन नेपाली साेमवाः मंत । वय्कः ९४ दँ दुम्ह खः । वय्कः नेपाःया न्हापांम्ह पुस्ताया इतिहासकार कथं नं कायेगु याः । वय्कःया ‘भिमसेन थापा’ नांगु कृतिया लागिं मदन पुरस्कार बियातःगु दुसा ‘प्रतिक्रिया’ कविता मुनाया लागिं श्रेष्ठ सिरपाः नं त्याकातःगु दु । वय्कलं नेपालभाषाय् मां लुमंकाः, खैय्यामया रुवाई काव्य संग्रह च्वयादीगु दुसा मविवि शाहया कविता मुना ‘वैत हे’ व ‘हानं वैत हे’ लिसें मुद्रा राक्षस, स्वप्न वासवदत्ता नाटक नेपालभाषां अनुवाद यानादीगु खः । वय्कःया खास नां नारायणप्रसाद राजभण्डारी खःसा अबुया नां सरदार मेदिनीप्रसाद राजभण्डारी खः।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल