ने. सं. ११४४ ञलाथ्व पुन्हि - येँया: पुन्हि

वनस्थलीइ सिमा क्वःदलाः घाःपाः

येँ – थनया बालाजु वनस्थली सिमा क्वःदलाः स्वम्ह घाःपाः जूगु दु । सिमा क्वःदलाः मोटरसाइकल चले याना वयाच्वंम्ह अर्घाखाँची छेँ जुयाः थनया सितापाइलाय् च्वनाच्वंम्ह दीपक खनाल घाःपाः जूगु खः । लिसें मोटरसाइकल लिउने च्वनाः वयाच्वंम्ह दीपकया जहान सीता पोखरेल व म्ह्याय् सिद्धिका खनाल नं घाःपाः जूगु दु । घाःपाः जूपिंत मनमोहन अस्पतालय् वासः यायेत यंकूगु जानकारी बालाजु प्रहरी वित्तं ‘नेपालभाषा टाइम्स’यात जानकारी बिउगु दु ।