अनेमसंघ २४ वडापाखें हनेज्या

येँ(नेपालभाषा टाइम्स)÷अखिल नेपाल महिला संघ २४ वडापाखें २०७९ सालया एसइइ व प्लस टु उत्तीर्ण वडा दुनेया ब्वँमिपिंत हनेज्या याःगु दु । वंगु शनिवाः २४ वडाया अतलखुबहिलिइ छगू ज्याझ्वः यासें हनेज्या याःगु खः ।

अखिल नेपाल महिला संघ येँ महानगर २४ वडा समितिया नायः श्रीजना शाक्यया सभापतित्वय् जूगु ज्याझ्वलय् मूपाहांकथं नेकपा (एमाले) येँ जिल्ला सचिवलिसें बागमति प्रदेशया पुलांम्ह प्रदेशसभा सदस्य राजेश शाक्य मूपाहांकथं झायादीगु खः ।

ज्याझ्वलय् एसइइ व प्लस टु उत्तीर्ण विद्यार्थीपिंत मूपाहां शाक्यं दसिपौ लःल्हानादीगु खःसा विशेष पाहां ज्ञानी डंगोलं मतिनाया चिं लःल्हानादीगु खः । संघया न्वकु संगीता शाक्यं लसकुस यानादीगु ज्याझ्वलय् येँ महानगर २४ वडा सदस्य रत्नाकर वज्राचार्य, नेकपा एमाले २४ वडा इन्चार्ज सुजनविलास वज्राचार्य, विशेष पाहांपिं ज्ञानी डंगोल, नेकपा एमाले येँ महानगरया नायो ज्ञानुमाया महर्जन, मूपाहां राजेश शाक्यं नुगःखँ तयादिसें ब्वँमिपिंत भिंतुना देछानादीगु खः ।

उगु हनाज्याझ्वलय् पुलांम्ह कुमारि मतिना शाक्यलिसें प्लस टु व एसइइ उत्तीर्ण यानादीपिं ४० म्ह ब्वँमिपिंत हनेज्या याःगु खः ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत