फेडरर युएस ओपनं पिने

न्याक्वः तकया युएस ओपन च्याम्पियन रोजर फेडररं थुगुसी क्वार्टरफाइनलं हे पराजित जूगु दु । ३८ दँया भेट्रान कासामि फेडररयात बुल्गेरियाया ग्रिगोर डिमिट्रोभं ३–६, ६–४, ३–६, ६–४ व ६–२या सेटं बुकूगु खः । फेडररं थ्वयां न्ह्यः डिमिट्रोभ लिसे जूगु फुक्क यानाः न्हय्गुलिं कासाय् वयात पराजित याना वयाच्वंगु खः ।

तर थ्व पालय् धाःसा बिना सीडया डिमिट्रोभं थुगुसी नं विजेताया रुपय् न्ह्यःने वयाच्वंम्ह फेडररयात निराश यानां त्वःतल । जँ स्यानाः च्वंम्ह फेडररं कासा लिपा धाल, ‘जिं कासा ज्वः स्याःगु वाःचाः, अय्सां जिं म्हिते धाःसा फत ।’ २८ दँया डिमिट्रोभं आः सेमिफाइनलय् रसियाया न्यागूगु सीडया डानिल मेडभेडेभलिसे म्हिती ।