ब्राजिल व अर्जेन्टिनाया कासा स्थगित

एजेन्सी÷ विश्वकप २०२२ या छनोट अन्र्तगत सोमवाः सुथय् जूगु ब्राजिल व अर्जेन्टिना दथुया कासा शुरु जूगु न्यागू मिनेट लिपा हे स्थगित जूगु दु । ब्राजिलया स्वास्थ्य मन्त्रालयया अधिकारीतय्सं अर्जेन्टिनाया प्यम्ह कासामितय्सं ब्राजिलं दयेकातःगु कोरोना सम्बन्धी नियमयात हाचां गाःगुलि कासा स्थगित यायेत निर्देशन बिउगु खः ।

ब्राजिलया स्वास्थ्य अधिकारीतय्सं इंग्ल्याण्डय् लिग म्हिताच्वंपिं कासामितय्सं नियम हाचां गाःगु धाःगु खः । ब्राजिलं कासामितय्गु नां पित मबिउसां अर्जेन्टिनाया गोलकिपर एमिलियानो मार्टिनेज, जिओभानी लो सेल्सो, क्रिस्टियन रोमरो व एमिलियानो बुएन्डिना इंग्ल्याण्डय् म्हितावयाच्वंपि कासामि खः । ब्राजिलय् इंग्ल्याण्डं वःपिं मनूत १४ न्हिं क्वारेन्टिनय् च्वनेमाःगु नियम दुसा थ्व प्यम्ह कासामितय्सं नियम हाचां गाःगु खः ।

अर्जेन्टिनां प्यम्ह कासामितय्त शुरुइ हे मैदानय् क्वकाःगु खः । ब्राजिलं विज्ञप्ति पिकयाः अर्जेन्टिना नियमया पालना मयाःगु व फर्मय् गलत विवरण भरे याःगु धाःगु दु । अर्जेन्टिनाया फुटबल संघं प्यम्ह कासामित डे«सिङ्ग रुमय् वनेधुकूसां कासा स्थगित याःगु दुर्भाग्यपूर्ण खः धाःगु दु । ब्राजिल व अर्जेन्टिना दथुया थ्व कासा हाकनं गबलय् जुइ धयागु खँ क्वःजिउगु मदुनि ।

सम्बन्धित बुखँ

LEAVE YOUR COMMENTS