ने. सं. ११४४ चौलागा सप्तमी -

भारतय् नं तिथि विवाद

येँ (नेपालभाषा टाइम्स)- थुगुसी गुंपुन्हि व सापारु गुकुन्हु हनेगु धकाः नेपालय् जुयाच्वं थें भारतय् नं अन्यौलता पिहां वयाच्वंगु दु । अन खास यानाः राखी गबले चीगु धइगु खँय् विवाद पिहां वःगु खः । भारतया हिन्दूतय् गुंपुन्हि कुन्हु तताकेहेँनं दाजुकिजायात ल्हातिइ राखी चिकेगु याइ । तर गुंपुन्हि १४ गते खः लाकि १५ गते खः धइगु विवाद पिहां वःथें अन राखी बन्धन अगष्ट ३० तारिख कुन्हु खः कि ३१ तारिख कुन्हु खः धकाः विवाद ब्वलनाच्वंगु दु । अन नं ३० व ३१ तारिख धाइपिं विभाजित जुयाच्वंगु दु ।