वालय् छुं भचा अय्लाः त्वंसा चिनि ल्वय्या जोखिम कमजुइ

सुं मनुखं वालय् स्वक्वः निसें प्यक्वः तक अय्लाः सेवन याइ व मनूयात गबलें अय्लाः मत्वनीम्ह मनू स्वयां चिनिल्वय् (मधुमेह) जुइगु सम्भावना कम खनेदुगु डेनमार्कया अनुसन्धानकर्तातय्सं धाःगु दु ।

हिइ चिनिया मात्राया व्यवस्थापन यायेगु सम्भावनाया कारणं खास यानाः वाइनया सेवन फाइदाजनक जुइ फइगु डायवेटोलोजियाय् प्रकाशित उगु अध्ययनय् धयातःगु दु ।

अनुसन्धानकर्तातय्सं ७० द्वः मनूतय्गु उमिसं सेवन याइगु अय्लाःया परिमाण व उमिसं ग्वक्वःतक सेवन याइ धइगु बारे न्यनेकने याःगु खः ।तर विशेषज्ञपिंसं थुकियात धयातःकथंया परिमाण स्वयां अप्वः अय्लाः त्वनेगु अनुमति दुगु रुपय् मकायेत धयातःगु दु ।

 

सम्बन्धित बुखँ

LEAVE YOUR COMMENTS