सुकुम्बासीया टहरा थुनीगु

येँ (नेपालभाषा टाइम्स)- स्वयम्भू गःचाः हिलेगु सतकय् दयेकातःगु सुकुम्बासीया टहरा मनपां थुनीगु जूगु दु । थ्व स्वयां न्ह्यः मनपां अनया सुकुम्बासी बस्ती थुनेत माइकिङ याःगु खःसा म्हिगः जूगु सहलहय् सुकुम्बासी च्वनाच्वंपिंसं थःपिनि टहरा थुनेगु सहमति याःगु खः ।

१५ वडाया दुजः मैया महर्जनया सक्रियताय् जूगु सहलह लिपा छवाःया दुने टहरा थुनेगु सहमति जूगु खः वडा अध्यक्ष ईश्वरमान डंगोलं ‘नेपालभाषा टाइम्स’यात कनादिल ।

वय्कःया कथं आःयात सतकय् लाःगु टहरा थुनीसा लिपा सरकारलिसे सहलह यानाः उगु लागाय् दुगु सुकुम्बासी बस्ती चीकेगु कुतः जुइ ।