इन्जिनीयर मदयाः निर्माण सम्पन्न ठप्प

येँ – स्थानीय निकायय् माक्व जनशक्ति मदयाः जनताया ज्या तकं यायेत थाकुयाच्वंगु खँ सीदुगु दु । चन्द्रागिरि नगरपालिकाया मेयर घनश्याम गिरिं ‘नेपालभाषा टाइम्स’ लिसें खँ ल्हासें माक्व इन्जिनीयर मदयाः आः चन्द्रागिरी नगरपालिकाय् ९ गते तकया निंतिं नक्सा पास लिसें छेँ दयेकेक्वचायेधुंकाः बीमाःगु निर्माण सम्पन्न प्रमाणपत्र बीगु ज्या तकं दिकेमाःगु खँ कनादीगु दु ।

‘फुक्क धइथें इन्जिनीयर विकास निर्माणया ज्याय् व्यस्त जुयाच्वंगु दु, अथे जुयाः आःयात छुं न्हि निर्माण सम्पन्न थेंज्याःगु ज्या दिकागु खः’ वय्कलं धयादिल ‘छु यायेगु जेठ महिना दुने निर्माण ज्या क्वचायेके मफुत धाःसा बजेट फ्रिज जुइ अथे जुयाः आः जनताया ज्या दिकाःसां विकास निर्माणयात प्राथमिकता बियागु खः । निम्ह स्वम्ह इन्जिनीयर दु, भुखाचं दुना वःगु आपालं छेँ दयेकेगु ज्या जुयाच्वंगु दु । तर उमित तत्काल ग्वाहालि यायेफइगु अवस्था मदु ।’

सम्बन्धित बुखँ

LEAVE YOUR COMMENTS