पचली भैरव जात्राया ग्वय्‌दां

येँ (नेपालभाषा टाइम्स)- झिंनिदँय् छकः पिहां वइगु पचली भैरवया बाह्र वर्षे खड्ग जात्रा (गथु प्याखं) या ग्वय्दां तयेगु ज्या जुल । बिहीवाः सुथय् येँया २१ वडास्थित ज्याबहालय् च्वंगु झिंनिदँ जात्राया गुथि छेँनिसें बाजं थानाः हनुमानध्वाखा लाय्कुलिइ वनाः ग्वय्‌दां तःगु खः । थुकी विशेष रुपं वहःयागु न्यागः ध्यबा व ग्वःगु ग्वय् झिगः दइ । थथे ग्वय्दां तःगुया अर्थ तःधंगु सांस्कृतिक ज्याखँय् जुजुयात नं बिज्याहुँ धकाः निमन्त्रणा बीगु खः ।

न्हापा न्हापा जुजु दुबलय् दरवारय् वनाः जुजुयात हे ग्वय्दां तइगु खः । आः राजतन्त्र मदयेधुंकाः धाःसा हनुमानध्वाखा लाय्कुलिइ वनाः मल्लकालीन जुजुया खड्गय् ग्वय्दां तयेगु यानाहःगु । थुगुसी आः वइगु मोहनिया चालंकुन्हुनिसें पचली भैरवया प्याखं पिहां वइ । वहे चालंकुन्हु बहनी पचली भैरवं जुजुलिसे खड्ग हिलीगु परम्परा दु ।

किपा ः राजु नापित

सम्बन्धित बुखँ

LEAVE YOUR COMMENTS