चुनावयात २ करोड मतपत्र छापे याकीगु

येँ -एमसीसी विवादं यानाः स्थानीय तहया निर्वाचन हे लिहां वनीगु खः लाकि धकाः चिउताः जुयाच्वंगु इलय् निर्वाचन आयोगं धाःसा धमाधम निर्वाचन सम्बन्धी ज्याखँत न्ह्याका यंकूगु दु ।

थ्व झ्वलय् आयोगं वैशाख ३० गते जुइगु धकाः घोषित स्थानीय तहया निर्वाचनया नितिं निगू करोड मतपत्र छापे यायेगु तयारी यानागु खँ धाःगु दु । मतपत्रया नितिं माःगु भ्वं न्यायेत आपूर्तिकर्ता कम्पनी लिसे वंगु आइतवाः हे सम्झौता जुइधुंकूगु खँ आयोगया प्रवक्ता शालिग्राम शर्मां कनादिल ।

म्हिगः आयोगं याःगु पत्रकार सम्मेलनय् भ्वं न्यायेगु नितिं ११ करोड तका दांया सम्झौता जुइधुंकूगु व लछिया दुने भ्वं उपलब्ध याकेमाःगु सर्त आयोगं तःगु जानकारी नं वय्कलं बियादिल ।
स्थानीय तह लिसें अन सक्रिय दुगु राजनीति दलया विवरणया आधारय् उम्मेदवारया ल्याः आंकलन यानाः ग्वःपाः मतपत्र छापे यायेगु धइगु विषय धाःसा क्वःजी ल्यं दनिगु खँ आयोगं धाःगु दु ।
निर्वाचन आयोगय् थौंकन्हय् दर्ता जुयाच्वंगु ११० गू राजनीतिक दल मध्ये स्थानीय तह निर्वाचनय् ८० गू राजनीतिक दलं भाग कायेगु नितिं निवेदन बीधुंकूगु दु ।

स्थानीय तह निर्वाचनया निंतिं आयोगं अर्थ मन्त्रालययाके ८ अर्ब ९५ करोड २९ लाख तकाया बजेट माग याःगु खःसा ध्यबा निकासा यायेगु नितिं आयोग व मन्त्रालय दथुइ सहलह जुयाच्वंगु खँ नं आयोगं धाःगु दु ।

सम्बन्धित बुखँ

LEAVE YOUR COMMENTS