न्यूयोर्कय् कय्तापुजा व इहि मुना

येँ(नेपालभाषा टाइम्स)- अमेरिकाया न्यूयोर्कय् कय्तापुजा व इहि मुना ज्याझ्वः जुल । नेवाः गुथि न्यूयोर्कया ग्वसालय् वंगु छुं दिं न्ह्यः नेवाः समाजय् मिजं मस्ततय् याइगु कय्तापुजा व मिसामस्तय्त याइगु इहि संस्कार ज्याझ्वः याःगु खः ।

गुथिया ग्वसालय् न्याक्वःखुसी जूगु ज्याझ्वलय् स्वहेसित कय्तापुजाय् व छम्ह मिसा मचाया इहि याःगु खः । ज्याझ्वलय् श्रीयम सुवाल, श्रय श्रेष्ठ व सफल महर्जनया या कय्तापुजा व इजाबेला सुवालया इहि याःगु खः ।

अमेरिकाय् च्वँच्वनादीम्ह वासव राजोपाध्याय मूल पुरोहित जुयाः पुजा याादीगु ज्याझ्वलय् थाकुलि नकिंकथं हृदय तुलाधर व वय्कःया जहान अनिता नकःमिं पुजा यानादीगु खः ।

राजेन्द्र महर्जन व कबिना महर्जनया संयोजनय् न्ह्याःगु कय्तापुजा व इहि यानादीपिं मस्तय्त गुथिया नायः विजयमान सिंहं दसिपौ लःल्हानादीगु खः ।