गणेश साय्मियात शनिवाः हनीगु

येँ (नेपालभाषा टाइम्स)-नेपालभाषा आन्दोलनया न्ह्यलुवा लिसें नांजाःम्ह कलाकार गणेश साय्मियात थ्वहे वइगु शनिवाः सार्वजनिक रुपं हनीगु जूगु दु । वकुन्हु सुथय् हे वय्कःयात बाजं थानाः लसकुस यानाः यंकुसें नेपाः ब्यांक्वेटया हलय् हनेत्यंगु खः । थुकिया लागिं कलाकार राजेन्द्रमान शाक्यया अध्यक्षताय् छगू हना ग्वसाः खलः नं नीस्वंगु दु ।

वय्कःयात हनी कुन्हु छुं नं खलः पुचःतय्सं वय्कःयात व्यक्तिगत रुपं हनापौ वा छुं कथंया द्यछा देछाये फइगु खँ ग्वसाः खलकं धाःगु दु ।