
येँ – बालाचःह्रे कुन्हु पशुपतिइ बालागू छ्वइगु जूगु दु । तर थ्वया न्ह्यकुन्हु चान्हय् जुइगु दीपदान धाःसा याके मबीगु जूगु दु । पशुपति विकास कोषं कोरोना महामारीया कारणं पशुपति जःखः कछलागा त्रयोदशि कुन्हु चान्हय् जुइगु दीप दान याके मबीगु खँ धाःगु खः । तर भौतिक दूरी कायम यानाः पशुपतिया वनय् शतबिज ह्वलाः वनीगु बालू धाःसा छ्वयेगु खँ धाःगु दु ।बालाचःह्रेबलय् पशुपतिइ लखौं मनूत वयेगु याइ । थुगुसी कोरोनाया कारणं मंसिर २७ व २८ गते कुन्हु जुइगु मेला धाःसा स्थगित याःगु दु । कोरोनाया हे कारणं थगुने चैत ११ गतेनिसें बन्द जुयाच्वंगु पशुपतिया देगः धाःसा पुस १ गते निसें चायेकीगु जूगु दु ।
LEAVE YOUR COMMENTS