हलिं मिसा बाखं मुँज्या क्वचाल

येँ – नेपालभाषा मिसा बाखं च्वमिपिनिगु न्हापांगु अनलाइन हलिं बाखं मुँज्याया स्वंगूगु ब्व जुल । हलिं नेवाः दबूया अमेरिका कचाया ग्वसालय् शनिवाः बहनी भिडियाे कन्फ्रेन्स मार्फत उगु ज्याझ्वः जूगु खः । शिकागोय् च्वनादीम्ह संस्थाया न्वकू बाखंच्वमि केशरमान ताम्राकारया कजिसुइ जूगु मुँज्याय् नेपालभाषाया च्वमिपिं प्रमिला सायमि, मनदेवी ताम्राकार, मोति लक्ष्मी शाक्य, अर्चना शाक्य, सुनिता महर्जन व अमिर मैया रञ्जितपिसं थःथःगु बाखं ब्वनाः न्यंकादीगु खः । अनलाइन ज्याझ्वः न्ह्याकेत प्राविधिक कथं मूछ्याञ्जे बासव राजोपाध्यायं ग्वाहालि यानादीगु खः । मेगू वालय् थुगु स्वंगू मुँज्याय् न्ह्यब्वःगु बाखंयात कयाः स्वम्ह समिक्षकपिसं समिक्षा याइगु ज्याझ्वः दु ।

ज्याझ्वःया भिडियाे थुगु लिंकय् क्लिक यानाः स्वयादी फइ ।