तराइलय् सिबें स्वनिगः व पहाडी जिल्लाय् बजाः भाः थहां वन
येँ (नेपालभाषा टाइम्स)÷तराई व हिमाली जिल्लाया तुलनाय् पहाडी क्षेत्र व स्वनिगःया जिल्लाय् बेसाः भाः थिके जूगु दु । नेपाल राष्ट्र बैंक म्हिगः सार्वजनिक याःगु देय्या वर्तमान आर्थिक व वित्तीय स्थिति सम्बन्धी प्रतिवेदन कथं उपभोक्ता मूल्य सुचकांकय् आधारित मुद्रास्फीति थःगु सीमा हाचां गायाः ७ दशमलव ४१ प्रतिशत थ्यंगु दु ।
थ्व इलय् दकलय् अप्वः बेसाः भाः स्वनिगलय् थहां वंगु दु । स्वनिगलय् ७ दशमलव ६८ प्रतिशत व पहाडय् ७ दशमलव १२ प्रतिशत मुद्रास्फीति दु । उकथं हे तराई क्षेत्रय् ७ दशमलव १५ व हिमालय् ७ दशमलव १२ प्रतिशत मुद्रास्फीति थ्यनाच्वंगु दु ।
वैशाख मसान्त तकया तथ्यांक कथं खाद्य व त्वनेगु पुचःया मुद्रास्फीति ५ दशमलव ५४ प्रतिशत व गैरखाद्य व सेवा समूहया मुद्रास्फीति ८ दशमलव ८९ प्रतिशत थ्यंगु दु । खाद्य व पेय पदार्थ पुचः अन्तर्गत मसला उपसमूहया वार्षिक विन्दुगत सुचकांक २६ दशमलव ६१ प्रतिशत, रेष्टुरेन्ट व होटलया १४ दशमलव ८७ प्रतिशत, खाद्य व
खाद्यजन्य पदार्थया १३ दशमलव ६९ प्रतिशत, दुरु दयेकीगु सामग्री व ख्येँय् १० दशमलव ४१ प्रतिशत व सुर्तीजन्य पदार्थया भाः ८ दशमलव ४९ प्रतिशत थहां वंगु दु ।
LEAVE YOUR COMMENTS