ईद उल फितर कन्हय्

येँ – मुस्लिम धर्मालम्बीतय् तःधंगु नखः ईद उल फितर कन्हय् जक हनीगु जूगु दु । चन्द्रमा खनेदइगु आधारय् ईद हनीगु जूगुलिं थ्व पर्व कन्हय् जक हनीगु खँ मुस्लिम आयोगं धाःगु दु । नेपाली जामे मस्जिद, पंच काश्मिरी जामे मस्जिदया पदाधिकारी नापं ओलमा व मुफ्तीतय् सरसल्लाह कथं ईद उल फितर कन्हय् जेठ १२ गते जक हनेगु निर्णय याःगु खः । सरकारं ईदया लसताय् जेठ ११ गते बिदा बियातःगुलिं उकीयात भिंकाः जेठ १२ गते बिदा बीगु दु ।

थ्व हे झ्वलय् आयोगया अध्यक्ष समिम मियाँ अन्सारीं कोरोना भाइरसया महामारी जुयाच्वंगुलिं मुस्लिम समुदाययात छेँछेँय् च्वनाः हे ईद हनेत व नमाज ब्वनेत इनाप यानादीगु दु ।