एनओएया न्हूम्ह नायः पदय् महिन्द्रमान सिं प्रधान निर्वाचित
येँ (नेपालभाषा टाइम्स)÷अमेरिकाय् च्वंपिं नेवाःतय्सं चायेकातःगु नेवाः संगठन नेवाः अर्गनाइजेशन अफ अमेरिका (एनओए) या न्हूगु ज्यासना पुचः नीस्वंगु दु । निवर्तमान नायः यज्ञमान शाक्यया सभापतित्वय् अमेरिकाया मेरिल्याण्ड राज्यया सिलभरस्प्रींगय् जूगु एनओएया २२ क्वःगु दँमुँज्यां न्हूम्ह नायः कथं भाजु महिन्द्रमान सिं प्रधानयात ल्यःगु खः ।
सन् २०२३ निसें २०२६ तकया लागिं ल्यःगु न्हूगु ज्यासना पुचलय् राजेश लाल श्रेष्ठ न्हापांम्ह न्वकु, दिभाकर धौभडेल लिपांम्ह न्वकु, बबिता श्रेष्ठ मू छ्यांजे, नबिन मोहन रंजित छ्यांजे, मार्कण्डेय मान सिं प्रधान दांभरि ल्यःगु खःसा मू दुजलय् सुगन्ध श्रेष्ठ, रमा महर्जन शाक्य व रमिता श्रेष्ठ सर्वसम्मतं ल्यःगु खः ।
ज्याझ्वलय् हलिं नेवाः दबूया पुलांम्ह नायः सिजन श्रेष्ठ पाहां व शिकागो नेवाः दबूया पुलांम्ह नायः नापं हलिं नेवाः दबू अमेरिका कचाया न्वकु केशरमान ताम्राकारं की–नोट स्पिकर कथं ब्वति कयादीगु खः ।
अथे हे एनओएया थीथी कवः मध्ये जनसम्पर्कय् मिला श्रेष्ठ, मिडिया एण्ड फिलान्थ्रोपिकय् अनिल रंजित, पब्लिक आउटरिचय् राजेश तुलाधरपिंत मनोनित याःगु दु ।
LEAVE YOUR COMMENTS