बसन्तपुलिइ ब्यानर ब्वयाः हाकुगु न्हि

येँ (नेपालभाषा टाइम्स)- वि.सं. २०५६ साल जेठ १८ गते सर्वोच्च अदालतं छगू फैसला यासें तत्कालीन येँ महानगरपालिकां नेपालभाषायात बिया तःगु मान्यता खारेज याना बिउगु विरोधय् म्हिगः येँय् हाकुगु न्हि हन । उगु फैसला जूगु न्हि जेठ १८ यात नेवाः लगायतया जनजातितय्सं ‘हाकुगु न्हि’ या रुपय् लुमंकेगु याना वयाच्वंगु दु ।

नेवाः देय् दबूया आह्वानय् म्हिगः बसन्तपूया पुं देगलय् थीथी खलः पुचःतय्सं ब्यानर ब्वयाः हाकुगु न्हि हंगु खः । ज्याझ्वलय् नेपालभाषा आन्दोलनया आपालं नेता कार्यकर्तातय्सं ब्वति काःगु खः ।

ब्यानर ब्वज्याय् सम्बोधन यासें नेवाः देय् दबूया केन्द्रीय नायः पवित्र वज्राचार्यं देशय् संघीय व्यवस्था वःसां नेवाःतय्सं चाहे जुयाच्वंगु अधिकार अझ नं मवःनिगु जुयाः थ्व हाकुगु न्हि हनाया सार्थकता अझं दनि धयादिल ।