केशरमानयात अमेरिकाय् हन

येँ(नेपालभाषा टाइम्स)-अमेरिकाया शिकागोय् च्वँच्वनादीम्ह साहित्यकार केशरमान ताम्राकारयात हंगु दु । नेवाः अर्गनाइजेसन अफ अमेरिका मेरिल्याण्ड, अमेरिकाया २२ क्वःगु दँमुँज्याय् साहित्यकार ताम्राकारयात हंगु खः ।

दँमुँज्याय् मूपाहांकथं ब्वनातःम्ह वय्कःयात ‘अनररी लाइफ मेम्बर’ कथं हनापो देछासे सम्मान याःगु खः । ज्याझ्वलय् मूपाहां ताम्राकारं ‘की नोट स्पीकर’ कथं थःगु नुगःखँ तयादीगु खः । ज्याझ्वलय् मूवक्ताकथं नं ब्वनातःम्ह वय्कलं ‘नेवाः भाय्, कला, साहित्य, सभ्यता, नेवाः संस्कार व संस्कृतिया प्रचार प्रसार व थुकिया विकासय् संचारमाध्यमया भूमिका’ विषयय् थःगु नुगःखँ तयादीगु खः ।

ज्याझ्वलय् वय्कःयात पंचकन्यापाखें लसकुस याःगु खः ।

सम्बन्धित बुखँ

LEAVE YOUR COMMENTS