नेपालभाषा एकेडेमिया न्हूधाः

येँ – नेपालभाषा एकेडेमिया ज्यासना पुचःया न्हूधाः जूगु दु । चान्सलर चित्तरन्जन नेपाली म्हं मफुगु हुनिं वय्कःया अनुपस्थितिइ सदस्य सचिव मल्ल के. सुन्दरया अध्यक्षताय् शनिवाः जूगु एकेडेमिया तःमुँज्यां याःगु न्हूधाः कथं न्हूम्ह चान्सलरय् यज्ञरत्न धाख्वाःयात ल्यःगु खः ।

तःमुँज्यां सर्वसम्मत ढंगं ल्यःपिं दुजःपिनि पदभार विभाजन मंगलवाः च्वंगु न्हूगु ज्यासना पुचःया बैठकं याःगु दु । उकी भाइस चान्सलर मल्ल के. सुन्दर, सदस्य सचिवय् डा पुष्पराज राजकर्णिकार, दांभरि वीरप्रसाद भन्सारी व दुजलय् डा. तेजरत्न कंसाकार, प्रा. प्रेमशान्ति तुलाधर, डा. चन्द्रमान वज्राचार्य, शशीकला मानन्धर, नजरराम महर्जन, विजयरत्न असंबरे, दीपक तुलाधर, रजनीमिला महर्जन, राजित बहादुर श्रेष्ठया नापं ख्वपं महेन्द्र गोपाल कर्माचार्य, येँपाखें निर्मल बज्राचार्य, यलपाखें अमरराज शर्मा, विद्या चित्रकारयात ल्यःगु दुसा प्वनाच्वंगु पार्षद पदय् नं न्हूपिं दुजः ल्ययेगु क्वःछिउगु दु ।

सम्बन्धित बुखँ

LEAVE YOUR COMMENTS