चित्तधरया ११७ दँ बुन्हि हन

येँ (नेपालभाषा टाइम्स)- झी कवि चित्तधर हृदयया ११७ दँ बुन्हि साेमवाः न्यायेकल । नेपालभाषा परिषदं येँ मनपा १३ वडास्थित कालिमाटी दुवातय् च्वंगु चित्तधर हृदयया झ्वाताय् स्वां देछासें बुन्हि हनेज्या याःगु खः ।

ज्याझ्वलय् नेपालभाषा व खस नेपाली भाषाया नं थीथी साहित्यकारपिंसं ब्वति कयादीगु खः । उगु इलय् चित्तधर हृदयया योगदानयात कयाः नेपालभाषा परिषद्या पुष्परत्न तुलाधर लिसें नेवाः देय् दबूया नायः पवित्र वज्राचार्य, नेपालभाषा मिसा खलःया मंगला कारंजित, कवयित्री प्रतिसरा साय्मिपिंसं नुगःखँ तयादीगु खःसा लोककवि राजभाइ जकःमिं कविता पाठ यानादीगु खः ।

ज्याझ्वलय् साहित्यकारपिं नारद वज्राचार्य, स्नेह साय्मि, लक्ष्मी माली, बासुदेव अधिकारी, वंशीधर वज्राचार्य, भूषणप्रसाद श्रेष्ठ, भरत साःमि, नरेशवीर शाक्य, श्रीराम श्रेष्ठ, ध्रुव मधिकर्मी, गणेश साय्मि, शाक्य सुरेन, बिष्णु चित्रकार आदि लगायत आपालं साहित्यकार व भाषाह्यमिपिनि उपस्थिति दुगु खः ।