यलय् चर्या नृत्य सम्बन्धि कार्यशाला गोष्ठी न्ह्यात

यल – नृत्य निर्देशक संघ नेपाल यल कचाया ग्वसालय् यलय् चर्या नृत्य सम्बन्धि कार्यशाला गोष्ठी जूगु दु ।यलया अक्षेश्वर महाविहारय् न्ह्याःगु खुन्हुयंकं जुइगु गोष्ठीइ चर्या नृत्यकार प्रज्वलरत्न बज्राचार्यं चर्या नृत्य सम्वन्धि जानकारी बियादीगु दु । थौंकन्हय् अमेरिकाय् च्वना वयाच्वनादीम्ह बज्राचार्यं चर्या नृत्य सम्बन्धि सैद्धान्तिक अले व्यावहारिक पक्षया बारे जानकारी बियादीगु खः ।

बज्राचार्यं थौंकन्हय् अमेरीकाय् च्वनाः चर्या नृत्य यायेगु लिसें प्रशिक्षण बीगु यानावयाच्वनादीगु दु । गोष्ठीया शुरुवातय् यल कचाया नायः स्वजन रघुबंशीं चर्या नृत्य विषयय् हे कार्यशाला गोष्ठी यायेमाःगु कारण बारे कनादिल । संघया केन्द्रीय नायः भुवनदास श्रेष्ठं थुगु कथंया गोष्ठिपाखें नृत्यकारपिनिगु क्षमता व प्रतिभा बांलाकायंकेत ग्वाहालि जुइगुलिं मदिक्क हे थुकथंया ज्या जुयाच्वनेमाःगुली बः बियादिल ।

अथे हे, केन्द्रीय न्वकू संजय शर्मा राजोपाध्यायं वइगु बैशाख १६ गतेया दिनय् अन्तर्राष्ट्रिय नृत्य दिवसया झ्वलय् यल कचां यलया नृत्यकार श्रष्टापिनिगु हना ज्याझ्वः यायेत सुझाव बियादिल ।गोष्ठी वइगु बैशाख ७ गतेतक जुइ ।

सम्बन्धित बुखँ

LEAVE YOUR COMMENTS