पत्रकार स्याःगुलिं सक्वय् प्रदर्शन

येँ (नेपालभाषा टाइम्स)- टिप्परं ठक्कर नकाः मदुम्ह पत्रकार पवनलाल श्रेष्ठ व मोटरसाइकल चालक हरि खड्काया मृत्युबारे निष्पक्ष छानबिन यानाः निम्हं सीपिनि छेँजःयात उचित क्षतिपूर्ति बीत माग यासें सक्वया स्थानीय जनतां म्हिगः लँ पनाः प्रदर्शन याःगु दु ।

वय्कःपिं च्वनावःगु मोटरसाइकलयात टिप्परं ठक्कर नकूबलय् निम्हं मदुगु खः । वय्कःपिं सक्वयापिं खः । म्हिगः सक्व वनेगु लँय् प्रदर्शन यासें सक्वया स्थानीय जनतां टिप्पर चालकयात प्रहरीं त्वःतेत्यंगु आशंका दुगुलिं वयात बौद्धया चौकीं सक्वया चौकीइ हयाः छानबिन यायेत नं माग याःगु दु ।