महाप्रसाद अधिकारी न्हूम्ह गभर्नर

येँ – सरकारं महाप्रसाद अधिकारीयात नेपाल राष्ट्र बैंकया गभर्नर नियुक्त याःगु दु । अधिकारी लगानी बोर्डया कार्यकारी प्रमुख जुयाच्वनादीम्ह खःसा थ्वयां न्ह्यः राष्ट्र बैंकया हे डेपुटी गभर्नर जुइधुंकूम्ह खः ।

सोमवाः च्वंगु मन्त्रिपरिषद्या बैठकं अधिकारीयात गभर्नर नियुक्त यायेगु निर्णय याःगु खः ।

गभर्नर नियुक्तीया निसें अर्थमन्त्री युवराज खतिवडाया संयोजकत्व दयेकूगु कमिटीं अधिकारी लिसें डेपुटी गभर्नर चिन्तामणि शिवाकोटी व डा. राजन खनालया नां सिफारिसयाःगु खः ।

स्वंगू दशक राष्ट्र बैंकय् ज्या यायेधुंकूगु अनुभव दुम्ह अधिकारीयात थ्वयां न्ह्यः नं गभर्नरय् सिफारिश यायेधुंकूगु खः । उबलय् धाःसा सुशील कोइरालाया सरकारं अधिकारीयात मल्यसे डा. चिरञ्जीवी नेपालयात गभर्नर नियुक्त याःगु खः ।

नेपालभाषा टाइम्स

च्वमिया मेमेगु

• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन
• आः लाइसेन्सया पलेसा क्युआर कोर्ड दुगु रसिद
• माओवादीपाखें नं खुसि मापदण्डया विरोध