मेलम्ची नपायात येँ मनपाया ग्वाहालि

येँ (नेपालभाषा टाइम्स) – येँ महानगरपालिकाया मेयर विद्यासुन्दर शाक्यं मेलम्ची खानेपानी आयोजनाया ज्या क्वचायेवं येँ धू व ध्याचलं मुक्त जुइगु खँ धयादीगु दु । येँ महानगरपालिका व मेलम्ची नगरपालिका दथुइ भगिनी सम्बन्ध पलिस्था यायेत जूगु समझदारीपत्रय् हस्ताक्षर लिपा वय्कलं उगु खँ धयादीगु खः । भगिनी सम्बन्धया समझदारीपतिइ येँ मनपाया मेयर शाक्य व मेलम्ची नगर पालिकाया प्रमुख डम्बरबहादुर अर्यालं हस्ताक्षर यानादीगु खः । अन न्ववासें मेयर शाक्यं स्थानीय तह दथुइ भगिनी सम्बन्ध स्थापना यायेगु ज्यां पर्या-पर्यटन व धार्मिक पर्यटनया निंतिं थप ग्वाहालि जुइगु खँ नं कनादिल ।

निगू नगरपालिका दथुइ भगिनी सम्बन्ध थापना जुइवं येँमनपां सिन्धुपाल्चोक जिल्लाया मेलम्ची नगरपालिका सहकार्यय् अन मेलम्ची सिटी पार्क दयेकेगु सम्झौता नं याःगु दु । उकिया निंतिं येँमनपां १ करोड ५० लाख तका अनुदान बीगु जूगु दु । सम्झौता कथं मेलम्ची नगरपालिकां लःया फोहोरा, पर्यटकया विश्रामस्थल, मस्तय्त म्हितेगु स्थल आदि दयेकीगु जूगु दु ।

सम्बन्धित बुखँ

LEAVE YOUR COMMENTS