ने. सं. ११४४ कौलाथ्व सप्तमी - फूलपाती

पेट्रोल ल्ह्यइगु ट्यांकरय् तयाः गजि तस्करी

येँ – पेट्रोल ल्ह्यइगु ट्यांकरय् तयाः गजि तस्करी जुयाच्वंगु लूगु दु । लागू औषध नियन्त्रण ब्युरोया प्रहरी पुचलं ना. ४ ख ५३८७ नम्बरया ट्यांकरया क्याबिनय् १६० केजी गजि सहित निम्हेसित ज्वंगु खः । प्रहरीया कथं न्हय्गू प्लाष्टिक बोराय् उगु गजि प्याक याना हःगु खः ।

ज्वंपिं मकवानपुरया २२ दँया सोमबहादुर थोकर व २६ दँया इमानसिंह स्याङ्बो खः । उमित येँया चन्द्रागिरी–२ झ्याप्ले खुसिया सिथय् ज्वंगु खः । थुपिं ताःई निसें गजिया तस्करी ज्या याना वयाच्वंपिं खः ।