मदुम्ह शिक्षाविद् मास्केया झ्वाता तइगु

येँ – थनया त्रिपुरेश्वरस्थित विश्व निकेतन उच्च माध्यमिक विद्यालयया पुलांम्ह प्रधानअध्यापक गम्भीरमान मास्केया झ्वाता पलिस्था याइगु जूगु दु । विश्व निकेतन–गम्भिर फाउण्डेसनं विद्यालयया पुलांम्ह प्रधानअध्यापक मदुम्ह मास्केया झ्वाता पलिस्था यायेत्यंगु खः ।

अर्धकदया झ्वाता निर्माण यायेगु ज्या लिपांगु चरणय थ्यने धुंकूगु व मदुम्ह मास्केया दकिलाया पुण्य तिथि लाकाः झ्वाता पलिस्था याइगु जूगु दु । विद्यालयया पुलांम्ह विद्यार्थीतकं जुयादीम्ह फाउण्डेसनया अध्यक्ष राजे प्रधानांगं विद्यालयया पुलांम्ह प्रधानअध्यापक शिक्षाविद् मास्कें शिक्षाया ख्यलय् बियादीगु योगदानयात लुमंकाः वय्कःया झ्वाता पलिस्था यायेत्यनागु धयादिल ।

थ्व स्वयां न्ह्यः फाउण्डेसनं मदुम्ह प्रअ मास्केया जन्मजयन्तया झ्वलय् लाकाः वय्कलं हे च्वयादीगु ‘दिवा स्वप्नमा आउने’ नांया सपूmयात अंग्रेजीं भाय् हिलाः ‘द लिंगरिंग इमेज अफ माइ डे ड्रिम्स’ या नामं पिथंगु खः । वि.सं. २०२३ निसें २०५१ साल तक विद्यालयया प्रधानअध्यापक जुयादीम्ह शिक्षाविद् मास्के थगुने मंसिर १६ गते ८६ दँया उमेरय् मदुगु खः ।

 

सम्बन्धित बुखँ

LEAVE YOUR COMMENTS