लुम्बिनी विश्वविद्यालयय् बुद्धबन्दना अनिवार्य

येँ (नेपालभाषा टाइम्स)- लुम्बिनी बौद्ध विश्वविद्यालयं विश्वविद्यालय परिसरयात पञ्चशीलयुक्त यायेगु नीति नालीगु जूगु दु । विश्व विद्यालयया झिंप्यक्वः सभां बुद्धया सन्देश, ज्ञान व अनुशरणय् बः बिसें विश्वविद्यालय परिसरय् पञ्चशील तयेगु निर्णय याःगु खः ।

उकथं हे विश्वविद्यालय अन्तर्गत जुइगु औपचारिक सभा, समारोह व बैठकय् बुद्ध बन्दना व बुद्धमूर्ति अनिवार्य तयेगु निर्णय नं याःगु दु । विश्वविद्यालय कार्यकारी परिषदया बैठकं बुद्ध बन्दना व बुद्धमूर्तियात अनिवार्य याःगु खः ।

बौद्ध विश्वविद्याल स्थापनाया आज्जु कथं बौद्ध दर्शन, संस्कृति, कलाया संरक्षण व प्रद्र्धधनया नितिं सभा समारोहय् बुद्ध बचन प्रार्थना व बुद्धमूर्ति अनिवार्य यानागु खँ विश्वविद्यालयं धाःगु दु ।

विश्वविद्यालयया निमित्त उपकुलपति लिसे रजिष्ट्रार डा. तिलकराम आचार्यया अध्यक्षताय् च्वंगु कार्यकारी परिषदया बैठकं विश्वविद्यालयया फुक्कं निकाय व विश्वविद्यालय लिसेया सहकार्य वा ग्वाहालि जुइगु गुगुं नं कथंया औपचारिक सभा, समारोह, बैठकय् बुद्ध बन्दना अनिवार्य याःगु खः ।

सभा समारोहया न्ह्यःनेया ब्वय् बुद्धमूर्ति अनिवार्य तयेगु निर्णय नं विश्व विद्यालयं याःगु बौद्ध विश्व विद्यालयय् थौंकन्हय् बौद्ध दर्शनया स्नातक व स्नाकोत्तर तहया कक्षा न्ह्यानाच्वंगु दु ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः