कोकाकोलाया ‘गेट चार्ज्ड’ बजारय्

येँ (नेपालभाषा टाइम्स)- कोकाकोलाया न्हूगु पेय पदार्थ ‘गेट चार्ज्ड’ नेपाःया बजारय् नं वःगु दु । वंगु सोमवाः छगू भव्य ज्याझ्वःया दथुइ गेट चार्ज्ड सार्वजनिक याःगु खः । बेरीया सवाः वइगु थ्व पेय पदार्थं इलेक्ट्रिफाइड फिजी जिङ प्रदान याइगु खँ धाःगु दु । थ्व पेय पदार्थ वयेवं नेपाःया बेभरेजय् बेरी बोल्टया न्हूगु सवाः थप जूगु खँ धाःगु दु । कोकाकोला नेपालं थः उपभोक्तातय्त उमिगु आवश्यक्ता व जीवनशैलीयात ल्वः कथं सफ्ट ड्रिंक्सया थीथी विकल्प बीगु प्रतिबद्धता कथं चार्ज्डयात बजारय् हयागु खँ धाःगु दु ।

कोकाकोला नेपालया कन्ट्री डाइरेक्टर आदर्श अवस्थीं नेपाःमि ल्याय्म्हतय् थःगु हे महत्वाकांक्षा दुव उमिगु आकांक्षा पूवंकेगु ज्रिम्मेवारी कायेगु व उकथं हे पलाः न्ह्याकेत प्रेरित यायेगु सन्देश ज्वनाः न्हूगु पेय पदार्थ चार्ज्ड बजारय् हयागु खँ धयादिल । चार्ज्ड बेरी बोल्टया न्हूगु सवाः बीगु लिसें ल्याय्म्हतय्त जीवनय् वइगु अनिश्चिततायात कयाः चिन्ता कायेगु स्वयां चुनौतिया सामना यायेत प्रोत्साहन याइगु खँ वय्कलं धयादिल ।

अथेहे बोटलर्स नेपालया म्यानेजिङ डाइरेक्टर दिपक सेन्ठिल नाथं थः उपभोक्तातय्त न्हूगु सवाः बीगु लिसे स्थानीयपन नं बियाः कोकाकोला नेपाल छगू टोटल वेभरेज कम्पनी जुइगु थःगु रणनीति कथं न्ह्याः वंगु खँ धयादिल । चार्ज्ड २५० एमएलया रिसाइकल यायेजिउगु बोटलय् बजारय् वःगु दु ।