ने. सं. ११४६ तछलागा आमै -

उमेश श्रेष्ठ काउन्सिलया अध्यक्षय् मनोनित

येँ (नेपालभाषा टाइम्स) – सरकारं प्रेस काउन्सिलया अध्यक्षय् पत्रकार उमेश श्रेष्ठयात मनोनित याःगु दु । सूचना तथा सञ्चार मन्त्रालयया सिफारिसय् मन्त्रिपरिषदया बैठकं काउन्सिलया प्वनाच्वंगु पदय् श्रेष्ठयात मनोनित याःगु खः । थ्व स्वयां न्ह्यः वरिष्ठ अभिवक्ता कुमार शर्मा आचार्य काउन्सिलया अध्यक्ष जुयाच्वंगु खः । सरकारं अध्यादेश जारी यायेधुंकाः आचार्य सहित पदाधिकारी पदमुक्त जूगु खः ।

श्रेष्ठं पत्रकारिताया शुरुवात अर्थ प्रकाशन प्रालिया सहप्रकाशन प्रतिदिन दैनिकं प्रशिक्षार्थी पत्रकार कथं ज्या यानादीगु खःसा लिपा सिटी टाइम्स दैनिकय् सम्पादक जुयाः ज्या यानादीगु खः । श्रेष्ठ अप्सरा वाःपौ व स्पेश टाइम्सय् नं ज्या यानादीगु खः । लिपांगु इलय् वय्कः ‘समय नेपाल फ्याक्ट’ या सम्पादकया रुपय् ज्या याना च्वनादीगु खः । वय्कलं पत्रकारिता तथा आमसञ्चारय् त्रिभुवन विश्वविद्यालयं स्नाकोत्तर यानादीगु दु ।