पूर्वाधार व संस्कृति–सम्पदा संरक्षणय् प्राथमिकता
येँ व यल महानगरपालिकाया बजेट
येँ ÷ येँ महानगरपालिकां आर्थिक दँ २०७६÷७७ या निंतिं १५ अर्ब ५० करोड ७० लाख तकाया बजेट न्ह्यब्वःगु दु । येँ महानगरया थ्व बजेट चालु आर्थिक दँया स्वयां १९ प्रतिशतं अप्वःगु खः । चालु आर्थिक दँय् १३ अर्ब २ करोड १२ लाख ३७ हजारया बजेट दु ।येँ महानगरपालिकाया उपप्रमुख हरिप्रभा खड्गीं मंगलवाः बजेट न्ह्यब्वयादिसें थःगु हे स्रोतपाखें न्हय्गू अर्ब ५६ करोड ६ लाख ३७ हजार तका चूलाइगु खँ धयादीगु दु । थ्व मुक्कं बजेटया ५२.५८ प्रतिशत खः ।
अथेहे बाह्यस्रोत पाखें ४ अर्ब १८ करोड ९० लाख वइगु व महानगरपालिकाया नामय् बैंकय् निगू खर्ब ६२ करोड ९० लाख ९७ हजार तका बैंकय् मौज्दात दुसा महानगर अन्तर्गतया आयोजनाय् १ अर्ब १२ करोड ८२ लाख ७० हजार तका दु ।
येँ महानगरं वइगु आर्थिक दँय् पुँजीगत खर्च पाखे छगू अर्ब ५५ करोड ३५ लाख, तलब पारिश्रमिक व सुविधा खर्च छगू अर्ब ४१ करोड, ५ लाख, कार्यालय संचालनया निंतिं ५९ करोड ४३ लाख ५० हजार, पूर्वाधार सुधा व अन्य विकासपाखे ७ अर्ब ४३ करोड ९७ लाख ९२ हजार, सशर्त अनुदान पाखें पुँजीगत खर्च ३ अर्ब ३८ करोड ६ लाख व जग्गा एकीकरण आयोजना पाखे १ अर्ब १२ करोड ८२ लाख ७० हजार फ्याःगु दु ।
बजेटय् शिक्षापाखे छगू अर्ब ३४ करोड ९० लाख ५० हजार, सामाजिक विकासपाखे छगू अर्ब ५२ करोड, १५ लाख ९० हजार, जनस्वास्थ्य सेवा कार्यक्रमपाखे १२ करोड ३५ लाख ८२ हजार व प्रधानमन्त्री रोजगार कार्यक्रमपाखे ५ करोड ४ लाख ७७ हजार विनियोजन याःगु दु । बजेट न्ह्यब्वयसें उपप्रमुख खड्गी मेयर उज्यालो कार्यक्रम अन्तर्गत सतक सतकय् हाइमास मत ज डान यायेगु खँ धयादीगु दु ।
अथेहे वय्कलं थीथी थासय् फ्लाइ ओभर, आकाशे ताँ, ज्येष्ठ नागरिक अस्पताल दयेकेगु लिसें बालाजु उद्यान आधुनिकिकरण यायेगु, महानगरक्षेत्र मुंकूगु फोहरपाखें ऊर्जा उत्पादन यायेगु, खुसि शुद्धीकरण यायेगु खँ नं बजेटय् दुथ्याःगु खँ धयादीगु दु ।
अथेहे वइगु आर्थिक दँय् महानगरपालिकाया केन्द्रीय कार्यालय भवन दयेकेगु, भर्टिकल पार्किङ्गया निंतिं भवन दयेकेगु, पर्यटन पदमार्ग, कोटेश्वर तीनकुनेय् बुद्ध पाकृ दयेकेगु, मेघा हल निर्माण यायेगु, मोनो रेल लगायतया योजना नं दुथ्याःगु खँ धयादिल । महानगरं वइगु आर्थिक दँय् अभियान कथं सम्पदा संरक्षण व सम्वद्र्धन व पर्यटन प्रवद्र्धनया निंतिं पूर्वाधार विकास वर्ष कथं संचालन यायेत बजेट विनियोजन यानागु खँ नं उपप्रमुख खड्गीं कनादिल ।
यल÷ यल महानगरपालिकां आर्थिक दँय् २०७६÷७६या निंतिं न्यागू अर्ब १७ करोड ९६ लाख ३२ हजार तकाया बजेट फ्याःगु दु । यल महानगरपालिकाया थ्व बजेट चालु आर्थिक दँया स्वयां ७५ करोड २३ लाख ४५ हजार तकां अप्वःगु खः । यल महानगरपालिकाया मेयर चिरिबाबु महर्जनं मंगलवाः न्ह्यब्वयादीगु बजेटय् चालु खर्चपाखे छगू अर्ब १२ करोड ५९ लाख ५५ हजार तका विनियोजन यानातःगु दु ।
अथेहे सामाजिक सुरक्षापाखे ४६ करोड, कार्यगत क्षेत्र विकास कार्यक्रमपाखे २ अर्ब ५६ करोड ६१ लाख ५३ हजार बजेट फ्याःगु दु । थ्व मध्ये आर्थिक विकासय् ७ करोड ५३ लाख ४५ हजार व सामाजिक विकास पाखे १६ करोड ८४ लाख ४५ हजार बजेट दु ।
कार्यगत क्षेत्र विकास अन्तर्गत हे पूर्वाधार विकासय् निगू अर्ब ७३ लाख ६३ हजार, वातावरण तथा विपद व्यवस्थापनय १६ करोड ५५ लाख, संस्थागत विकास सेवा प्रवाह व सुशासनय् २२ करोड ५ लाख, पूँजी निर्माणय् ६ करोड १० लाख व विविध शीर्षकय् ६६ करोड बजेट फ्याःगु दु । अथेहे सामाजिक साझेदारी कार्यक्रमपाखे छगू अर्ब २७ करोड ५२ लाख तका फ्याःगु दु ।
यल महानगरपालिकाय् सन् २०३० तक गरिब उन्मूलन यायेगु उद्देश्य तयागु खँ मेयर चिरिबाबु महर्जनं धयादीगु दु । वय्कलं रोजगारीमुखी समावेशी विकास, संस्कृति सम्पदा संरक्षण व पुनर्निर्माणयात बजेटय् प्राथमिकता बियागु खँ धयादीगु दु ।
अथेहे अपाङमैत्री पूर्वाधार दयेकेगु, स्वास्थ्य क्षेत्रय् सर्वसाधारणया पहँुच, विषादीरहित क्यब व कौसी खेतीयात प्रवद्र्धन व कृषिइ आधुनिकिकरण व छखा छँे छगू उद्यम अवधारणा विकास यायेगु महानगरपालिकाया लक्ष्य दुगु खँ नं वय्कलं धयादिल ।
LEAVE YOUR COMMENTS