केशव स्थापितं प्रदेश सभां राजीनामा बिल

येँ – येँ महानगरपालिकाया मेयरय् उम्मेदवारी बीगु निंतिं केशव स्थापितं बागमती प्रदेश सभाया दुजःपाखें राजीनामा बिउगु दु । एमालें म्हिगः तिनि स्थापितयात येँ महानगरपालिकाया मेयरय् थनेगु क्वःछिउगु खः ।

स्थापितं थौं आइतवाः बागमती प्रदेश सभाया सभामुख सानु श्रेष्ठयात राजीनामा लःल्हानादीगु खः । वय्कः येँ क्षेत्र नं. ६ (क) पाखें प्रदेश सभाय् विजय जुयादीम्ह खः ।

एमालें येँ महानगरपालिकाय् मेयरय् स्थापितयात थनेगु व उपमेयरय् सुनिता डंगोलयात थनेगु निर्णय याःगु खः । डंगोल छुं ई न्ह्यव निसें मेयरय् दनेगु धकाः चर्चाय् वयाच्वंम्ह खः ।