झिंन्यान्हु बिदा थप

यँ- सरकारं वइगु दँया २०७६ सालय् थप झिंन्यागू जातीय व सांस्कृतिक नखःयात राष्ट्रिय पर्वया रुपय् कयाः सार्वजनिक विदा बीगु प्रस्ताव याःगु दु । थीथी जातीय व धार्मिक संघ संस्थाया माग कथं संघीय सरकारं २०७६ सालया निंतिं थप यायेगु विदाया प्रस्ताव तयार याःगु खः । गृहन्त्री रामबहादुर थापा बादल, संस्कृति मन्त्री रविन्द्र अधिकारी व शहरी विकास मन्त्री मोहम्मद इस्तियाका राई दुथ्याःगु विदा पुनरावलोकन समितिं विदा प्रस्ताव याःगु खः ।

प्रस्तावित विदा कथं वइगु दँ निसें किरात समुदायया नखः उभौली व उधौली, मुस्लिम समुदायया इद उल फित्र, बकरइद व मोहम्मद जयन्तीयात सार्वजनिक विदा बीगु प्रस्ताव याःगु दु । अथेहे क्रिश्चियन नखः डिसेम्बर २५ स क्रिसमस, गुरुङ समुदायया तमु ल्होसार, तामाङया सोनाम ल्होसार व शेर्पाया ग्याल्वो ल्होसारय् नं सार्वजनिक विदा बीगु प्रस्ताव याःगु दु ।

उकथं हे छठ पर्वय् विदा बीगु प्रस्ताव यानातःगु दुसा ऋषि पञ्चमी कुन्हु नं विदा बीगु प्रस्ताव यानातःगु दु । अथेहे माघ १ गते थारु समुदायया माघी कुन्हु विदा बीगु प्रस्ताव यानातःगु दुसा नेपाल ब्राम्हण समाजया माग कथं जनैपून्हि कुन्हु नं विदा बीगु प्रस्ताव यानातःगु दु । गृहमन्त्रालयया कथं प्रस्ताव मन्त्रिपरिषदय् वनेधुंकूगु दु ।

सम्बन्धित बुखँ

LEAVE YOUR COMMENTS